សេវាបញ្ញើ និង សន្សំ
សេវាបញ្ញើ និង សន្សំ

បង្កើនប្រាក់ចំណូលជាប្រចាំថ្ងៃដោយគ្រាន់តែដាក់ប្រាក់របស់អ្នកក្នុងគណនីសន្សំ ឬប្រាក់បញ្ញើមានកាលកំណត់ដែលផ្ដល់នូវការប្រាក់ខ្ពស់។

បើកគណនីឥឡូវនេះ
សេវាឥណទាន
សេវាឥណទាន

សម្រេចរាល់គោលបំណង និងផែនការអាជីវកម្មជាមួយដំណោះស្រាយឥណទានដ៏សម្បូរបែប។ មិនថាអ្នកកំពុងស្វែងរកទិញផ្ទះ សម្ភារៈថ្មី ឬត្រូវការទុនដើម្បីពង្រីកអាជីវកម្មនោះទេ យើងផ្តល់ជូននូវហិរញ្ញប្បទានដែលអ្នកត្រូវការដោយផ្ដល់នូវការអនុម័តដ៏ឆាប់រហ័ស អត្រាការប្រាក់ប្រកួតប្រជែង និងលក្ខខណ្ឌបង់សងដែលមានភាពបត់បែន ដើម្បីគាំទ្រដល់ភាពជោគជ័យផ្នែកហិរញ្ញវត្ថុរាល់គ្រប់តម្រូវការរបស់អ្នក។
ស្នើឥណទានឥឡូវនេះ
បណ្ណ
បណ្ណ

ទទួលយកបទពិសោធន៍នៃឧត្តមភាព និងភាពល្អឥតខ្ចោះពីបណ្ណវីសារបស់ធនាគារ អេស ប៊ី អាយ (ខេមបូឌា) ដែលជាបណ្ណកម្រិតខ្ពស់ដែលត្រូវបានបង្កើតឡើងយ៉ាងសម្រិតសម្រាំងសម្រាប់អតិថិជនរបស់ធនាគារ។ យើងផ្តល់ជូននូវបទពិសោធន៍ និងអត្ថប្រយោជន៍ដ៏សម្បូរបែបដែលផ្តោតសំខាន់លើសុវត្ថិភាពខ្ពស់បំផុត និងឯកជនភាពផ្ទាល់ខ្លួន។ លើសពីនេះលោកអ្នកនឹងទទួលបានសិទ្ធិពិសេសក្នុងការប្រើប្រាស់សេវាកម្មនៅព្រលានយន្តហោះ សណ្ឋាគារប្រណីតៗ
និងភោជនីយដ្ឋាននៅទូទាំងពិភពលោក។

ស្នើបណ្ណឥឡូវនេះ
សេវាផ្ទេរប្រាក់
សេវាផ្ទេរប្រាក់

សេវាផ្ទេរប្រាក់របស់យើងផ្តល់ជូននូវសេវារហ័ស សុវត្ថិភាព និងតម្លៃសមរម្យ សម្រាប់ការផ្ទេរទៅកាន់ដៃគូអាជីវកម្ម ឬមនុស្សជាទីស្រលាញ់នៅក្នុងស្រុក ឬក្រៅប្រទេស ជាមួយនឹងបណ្តាញធនាគារដៃគូដ៏ទូលំទូលាយ យើងធានាថាប្រាក់របស់អ្នកនឹងទៅដល់គោលដៅដោយសុវត្ថិភាព និងទាន់ពេលវេលា។
សេវាធានារ៉ាប់រង
សេវាធានារ៉ាប់រង

ការពារអ្វីដែលសំខាន់បំផុតសម្រាប់អ្នក ជាមួយសេវាធានារ៉ាប់រងរបស់ធនាគារ អេស ប៊ី អាយ (ខេមបូឌា) ដែលផ្តល់ជូននូវផលិតផលធានារ៉ាប់រងគ្រោះថ្នាក់បុគ្គលសម្រាប់កម្ចីខ្នាតតូច និងធានារ៉ាប់រងយានយន្ត តាមរយៈដៃគូសហការដែលមានកេរ្តិ៍ឈ្មោះ ដើម្បីធានាបាននូវសុវត្ថិភាពហិរញ្ញវត្ថុ និងភាពកក់ក្តៅជូនអ្នក និងក្រុមគ្រួសារពីហានិភ័យផ្សេងៗដែលមិនអាចដឹងមុន។
- ធានារ៉ាប់រងគ្រោះថ្នាក់បុគ្គលសម្រាប់កម្ចីខ្នាតតូច
- ធានារ៉ាប់រងយានយន្ត

ការផ្ទេរប្រាក់តាម ប្រព័ន្ធរីបផល

ទទួលយកបទពិសោធន៍ថ្មីនៃសេវាធនាគារជាមួយ ការផ្ទេរប្រាក់តាមប្រព័ន្ធរីបផល។ ដំណើរការដោយបច្ចេកវិទ្យា Distributed Ledger (Blockchain) ដ៏ទំនើប សេវាកម្មនេះអនុញ្ញាតឱ្យអ្នកផ្ទេរប្រាក់ទៅក្រៅប្រទេសបានភ្លាមៗ ២៤ម៉ោង ក្នុងតម្លៃសមរម្យជាងការផ្ទេរតាមបែបប្រពៃណី។

លេខទំនាក់ទំនង

ព័ត៌មានលម្អិត

ការផ្ទេរប្រាក់ក្រៅប្រទេសតាមប្រព័ន្ធរីបផល គឺជាប្រព័ន្ធផ្ទេរប្រាក់រហ័ស និងទូទាត់ភ្លាមៗ ដែលរួមមានទាំងការដោះដូររូបិយប័ណ្ណ និងបណ្តាញផ្ទេរប្រាក់ដែលបានបង្កើតឡើងដោយក្រុមហ៊ុន Ripple Labs Inc។ វាត្រូវបានបង្កើតឡើងដោយប្រព័ន្ធចែកចាយ open-source protocol និងនាំយកមកនូវអត្ថប្រយោជន៍ពីបច្ចេកវិទ្យាដ៏ទំនើបរបស់ Block-chain ដើម្បីធានាបាននូវសុវត្ថិភាពខ្ពស់ និងការទូទាត់ភ្លាមៗ ហើយតម្លៃសេវាទូទាត់នៃប្រតិបត្តិការស្ទើតែឥតគិតថ្លៃ។ ជាមួយនឹងសេវាកម្មផ្ទេរប្រាក់អន្តរជាតិរបស់រីបផលពីធនាគារ អេស ប៊ី អាយ (ខេមបូឌា) អ្នកនឹងទទួលបានបទពិសោធន៍ថ្មីប្រកបដោយសុវត្ថិភាពខ្ពស់ រហ័សទាន់ចិត្តជាមួយថ្លៃសេវាទាបបំផុត។ ទឹកប្រាក់របស់អ្នកនឹងត្រូវផ្ទេរទៅដោយផ្ទាល់ទៅក្នុងគណនីធនាគារបស់អ្នកទទួលផលត្រឹមរយៈពេលតិចជាងមួយម៉ោងតែប៉ុណ្ណោះ។

អត្ថប្រយោជន៍

ការទូទាត់ត្រូវបានបញ្ចប់ត្រឹមតែប៉ុន្មានវិនាទីប៉ុណ្ណោះ មិនមែនចំណាយពេលរាប់ថ្ងៃនោះទេ ដែលអនុញ្ញាតឱ្យអ្នកទទួលអាចប្រើប្រាស់សាច់ប្រាក់បានភ្លាមៗ។
កាត់បន្ថយការចំណាយលើប្រតិបត្តិការបានយ៉ាងច្រើន បើធៀបនឹងការផ្ទេរតាមប្រព័ន្ធផ្សេងៗ ដោយសារប្រសិទ្ធភាពនៃបច្ចេកវិទ្យា Blockchain។
អ្នកអាចតាមដានស្ថានភាពនៃការផ្ទេរប្រាក់របស់អ្នកបានគ្រប់ជំហាន ចាប់តាំងពីពេលផ្ទេរ រហូតដល់ដៃអ្នកទទួល។

ការណែនាំអំពីការប្រើប្រាស់

ការផ្ទេរប្រាក់តាមរយៈប្រព័ន្ធរីបផល ត្រូវបានបង្កើតឡើងដើម្បីផ្តល់ជូនភាពរហ័សទាន់ចិត្ត និងគ្មានភាពស្មុគស្មាញ។ សូមអនុវត្តតាមការណែនាំលម្អិតខាងក្រោម ដើម្បីចាប់ផ្តើមប្រតិបត្តិការផ្ទេរប្រាក់អន្តរជាតិរបស់អ្នកភ្លាមៗ ដោយធានាថាប្រាក់របស់អ្នកនឹងទៅដល់គោលដៅដោយសុវត្ថិភាព និងមិនមានការយឺតយ៉ាវជាមួយស្វីសកូដ របស់ធនាគារ SBHRKHPP។

ការផ្ទេរប្រាក់ចេញតាមប្រព័ន្ធរីបផល (Ripple)

Payment is now available in VND and USD for the beneficiary in Vietnam.

រូបិយប័ណ្ណ	ចំនួនទឹកប្រាក់	កម្រៃសេវា (1)
USD / VND	<= ៥.០០០ ដុល្លារ (សមមូល វៀតណាមដុង)	១៥ ដុល្លារ

ចំណុចសំខាន់:

ចំនួនទឹកប្រាក់អតិបរិមាក្នុងមួយថ្ងៃ ១០.០០០,០០ ដុល្លារ (សមមូល វៀតណាមដុង) សម្រាប់អតិថិជនម្នាក់
ចំនួនទឹកប្រាក់ផ្ទេរ និងកម្រៃសេវា ត្រូវបានគិតជាប្រាក់ដុល្លារ ដោយប្រើអត្រាប្តូរប្រាក់ ដុល្លារ ជាមួយ វៀតណាមដុង

(1) កម្រៃសេវា១៥.០០ដុល្លារ រួមមាន១០.០០ ដុល្លារជាថ្លៃសេវាធនាគារ អេស ប៊ី អាយ លី ហួរ ម.ក បូកថ្លៃសេវាចាំបាច់ ៥.០០ ដុល្លារ

ពាក្យស្នើសុំការផ្ទេរប្រាក់ក្រៅប្រទេស (ទាញយក)
ពាក្យស្នើសុំកែប្រែ តាមដាន និង បញ្ចប់ការផ្ទេរប្រាក់ចេញ (ទាញយក)

ធនាគារដៃគូ

ការផ្ទេរប្រាក់ទៅប្រទេសវៀតណាម ជារូបិយប័ណ្ណវៀតណាមដុង នឹងត្រូវដំណើរការតាមរយៈធនាគារដៃគូរបស់យើងដើម្បីសម្រួលដល់ការផ្ទេរប្រាក់ទៅ បានយ៉ាងឆាប់រហ័ស។

រូបិយប័ណ្ណ	ឈ្មោះធនាគារ	ស្វីសកូដ
USD/VND	Tienphong Commercial Joint Stock Bank Vietnam ((TP Bank)	TPBVVNVX

វិធីផ្ទេរប្រាក់

សូមអញ្ជើញទៅកាន់សាខាធនាគារដែលនៅជិតលោកអ្នក។យកអត្តសញ្ញាណប័ណ្ណច្បាប់ដើម (សម្រាប់ជនជាតិខ្មែរ) ឬ លិខិតឆ្លងដែនច្បាប់ដើមដែលមានសុពល (សម្រាប់ជនបរទេស)។
សូមបំពេញទម្រង់បែបបទផ្ទេរប្រាក់ និងប្រគល់ទៅឱ្យបុគ្គលិកជាមួយទឹកប្រាក់ត្រូវផ្ទេរ និងថ្លៃសេវាផ្ទេរ។
លោកអ្នកនឹងទទួលបានលេខកូដផ្ទេរ ដើម្បីប្រគល់ឱ្យអ្នកដែលត្រូវទទួលប្រាក់។

សម្រាប់ព័ត៌មានបន្ថែម

សូមអញ្ជើញមកកាន់សាខាដែលនៅជិតលោកអ្នកបំផុតដើម្បីជួបជាមួយបុគ្គលិករបស់យើង។
ទាក់ទងមកកាន់ផ្នែកបម្រើអតិថិជនសម្រាប់ព័ត៌មានបន្ថែម តាមហ្វេសប៊ុក និងទូរសព្ទលេខ ០២៣ ៩៨០ ៨៨៨ / ០៩៣ ៦៧១ ១១១។

លក្ខខណ្ឌផ្សេងៗ

លក្ខខណ្ឌផ្សេងៗអាចផ្លាស់ប្តូរតាមការសម្រេចចិត្តរបស់ធនាគារដោយគ្មានការជូនដំណឹងជាមុនដល់អតិថិជនឡើយ។