ក្រុមប្រឹក្សាភិបាល

លោក Eiichiro So បានចូលជាសមាជិកក្រុមប្រឹក្សាភិបាលកាលពីខែធ្នូ ឆ្នាំ២០១៩។ លោកបានធ្វើការជាមួយក្រុមហ៊ុន SBI Group អស់រយៈពេលជាង ១៥ឆ្នាំ មកហើយ ហើយសព្វថ្ងៃនេះលោកជា សហនាយកប្រតិបត្តិ ជានាយកប្រតិបត្តិជាន់ខ្ពស់ និងអនុប្រធាននៃក្រុមហ៊ុន SBI Investment Korea Co., Ltd., ដែលជាក្រុមហ៊ុនបណ្តាក់ដើមទុនសាជីវកម្ម (listed venture capital firm) ដែលបានចុះបញ្ជីក្នុងផ្សារភាគហ៊ុននៅទីផ្សារភាគហ៊ុនកូរ៉េឈ្មោះ KOSDAQ (Korean Securities Dealers Automated Quotations) ជាប្រធាននាយកប្រតិបត្តិរបស់ក្រុមហ៊ុន SBI Royal Security Plc. ជាអភិបាលធនាគារ Tien Phong Commercial Joint Stock Bank  (នៅប្រទេសវៀតណាម) និងជាអភិបាលនៃក្រុមហ៊ុន SBI Thai Online Securities Col, Ltd (នៅប្រទេសថៃ)។ ជាមួយបទពិសោធន៍ជាង ២០ (ម្ភៃ) ឆ្នាំរបស់លោកនៅក្នុងវិស័យធនាគារវិនិយោគ និងមូលធនឯកជន (private equity) ជាពិសេសបទពិសោធន៍នៅក្នុងទីផ្សារដែលកំពុងមានការរីកចម្រើនខ្លាំង (រួមមាន កូរ៉េខាងត្បួង សឹង្ហបុរី វៀតណាម និងកម្ពុជា) ដោយផ្តោតទៅលើវិស័យហិរញ្ញវត្ថុ (មានដូចជា ធនាគារ​ មូលបត្រ និងមូលធនឯកជន) លោកបានចូលរួមចែកចំណែគយ៉ាងច្រើនទៅក្នុងការអភិវឌ្ឍន៍អាជីវកម្ម និង​បច្ចេកទេសគ្រប់គ្រងរបស់ធនាគារ។

ពីមុនមក លោកធ្លាប់ជាអនុប្រធាននៃធនាគារ Sumitomo Mitsui Banking Corporation          ជាអភិបាលនៃធនាគារភ្នំពេញពាណិជ្ជ ជាអភិបាលប្រតិបត្តិនៃ ក្រុមហ៊ុន SBI Ven Capital Pte. Ltd (ប្រទេសសឹង្ហបុរី) និងជាអភិបាលនៃ ក្រុមហ៊ុន FPT Securities (ប្រទេសវៀតណាម)។

លោក So បានបញ្ចប់ការសិក្សាកម្រិតថ្នាក់អនុបណ្ឌិតមកពីសាកលវិទ្យាល័យ Hitotsubashi ថ្នាក់ក្រោយឧត្តមសិក្សានៃនាយកដ្ឋានយុទ្ធសាស្រ្តសាជីវកម្មអន្តរជាតិ (ប្រទេសជប៉ុន) និងបរិញ្ញាប័ត្រផ្នែកគណនេយ្យ មហាវិទ្យាល័យពាណិជ្ជកម្ម ពីសាកលវិទ្យាល័យ Chuo (ប្រទេសជប៉ុន)។

លោក Kazuo Izumi គឺជា សមាជិកក្រុមប្រឹក្សាភិបាល និងជាអភិបាលប្រតិបត្តិនៃធនាគារអេស ប៊ី អាយ (ខេមបូឌា) ម.ក ដែលលោកបាននាំមកនូវបទពិសោធន៍អន្តរជាតិជាង ១៥ ឆ្នាំ ក្នុងវិស័យហិរញ្ញវត្ថុ។ លោកធ្លាប់បានកាន់តំណែងសំខាន់ៗជាច្រើននៅក្រុមហ៊ុន SBI Holdings Inc. រួមមានតំណែងជាប្រធាននាយកផ្នែកហិរញ្ញវត្ថុនៅ Osaka Digital Exchange និងតួនាទីថ្នាក់ដឹកនាំផ្សេងៗទៀតនៅក្រុមហ៊ុន។

ជំនាញឯកទេសរបស់លោករួមមាន ការវិនិយោគ, ការគ្រប់គ្រងនៃការរួមបញ្ចូលគ្នា និងការទិញយកក្រុមហ៊ុន (M&A), ការវិភាគហិរញ្ញវត្ថុ, ការគ្រប់គ្រងហានិភ័យ និងការរៀបចំនៃផ្នែកបទប្បញ្ញត្តិ។
លោក Izumi ទទួលបានសញ្ញាបត្របរិញ្ញាបត្រផ្នែកសេដ្ឋកិច្ចពីសាកលវិទ្យាល័យ Keio និងជាសមាជិកដែលមានការទទួលស្គាល់ពីសមាគមអ្នកវិភាគមូលបត្រនៃប្រទេសជប៉ុន និងជាគណនេយ្យករសាធារណៈដែលមានការទទួលស្គាល់ពីរដ្ឋវ៉ាស៊ីនតោន សហរដ្ឋអាមេរិក។
 

មុនពេលត្រូវបានតែងតាំងជាអភិបាលប្រតិបត្តិនៃធនាគារ អេស ប៊ី អាយ (ខេមបូឌា) ម.ក អ្នកឧកញ៉ា លី សុភាព កាន់តំណែងសំខាន់ៗមួយចំនួនក្នុងការជម្រុញកំណើនអាជីវកម្មធនាគារ លោកគ្រប់គ្រងអគ្គនាយកដ្ឋានប្រតិបត្តិការ ដោយគ្រប់គ្រងលើប្រតិបត្តិការប្រចាំថ្ងៃជូនទៅដល់អ្នកប្រើប្រាស់ចុងក្រោយ គ្រប់គ្រងខ្សែសង្វាក់ផ្គត់ផ្គង់ សកម្មភាពនៃការលក់ និងសេវាកម្មផ្សេងៗរបស់សាខាទូទាំង២៥ខេត្ត/ក្រុង រៀបចំផែនការទំនាក់ទំនងក្នុងការចែកចាយក្នុងការលក់បន្ត និងអ្នកផ្គត់ផ្គង់ ធានាបាននូវភាពបត់បែនក្នុងការឆ្លើយតបទៅនឹងតម្រូវការទីផ្សារដែលមានកំណើនកាន់តែខ្លាំងឡើង។ បន្ទាប់មកអ្នកឧកញ៉ា បានផ្លាស់ទៅគ្រប់គ្រងអគ្គនាយកដ្ឋានធនាគារពាណិជ្ជ ក្នុងការរៀបចំយុទ្ធសាស្រ្តប្រតិបត្តិការអាជីវកម្មធនាគារ ដឹកនាំ និងផ្តួចផ្តើមគំនិតក្នុងការប្រមូលប្រាក់បញ្ញើសន្សំពីសាធារណជនបានចំនួន ៥០០ លានដុល្លារ ត្រឹមតែក្នុងរយៈពេល១៨ខែ ចាប់ពីខែមេសាឆ្នាំ២០២០ ដែលជាការចាប់ផ្តើមនៃវិបត្តិជំងឺកូវីដ១៩។ អ្នកឧកញ៉ាក៏ជាអ្នកដឹកនាំក្នុងនាយកដ្ឋានសំខាន់ៗផ្សេងទៀតដូចជា ផ្នែកពាណិជ្ជកម្ម ភតិសន្សា ទីផ្សារនិងទំនាក់ទំនង ឌីជីថល និងធនាគារព្រីមៀរ៍។ លោកមានបទពិសោធន៍ក្នុងតំណែងជាថ្នាក់ដឹកនាំកំពូលសំខាន់ៗជាច្រើនដូចជា ប្រធានក្រុមប្រឹក្សាភិបាល ក្រុមហ៊ុន លី ហួរ ផេប្រូ នាយកប្រតិបត្តិ ក្រុមហ៊ុនរតនៈអលង្ការ ខូអិលធីឌី និងជានាយកគ្រប់គ្រងទូទៅក្រុមហ៊ុនលី ហួរ ប្តូរប្រាក់ផងដែរ។

លើសពីនេះទៅទៀត អ្នកឧកញ៉ាមានបទពិសោធន៍យ៉ាងជ្រាលជ្រៅក្នុងការក្នុងដឹកនាំកិច្ចពិភាក្សាធំៗទាំងក្នុង និងក្រៅប្រទេស ហើយលោកមានក៏មានបទពិសោធន៍ជាង២០ឆ្នាំក្នុងវិស័យហិរញ្ញវត្ថុថែមទៀតផង។

អ្នកឧកញ៉ា លី សុភាព ទទួលបានសញ្ញាប័ត្រជាច្រើនទាំងក្នុងនិងក្រៅប្រទេស ក្នុងនោះអ្នកឧកញ៉ាទទួលបានបរិញ្ញាប័ត្រកិត្តិយសផ្នែកពហុរចនាប្រព័ន្ធផ្សព្វផ្សាយ ពីសាកលវិទ្យាល័យ Huddersfield ក្នុងទីក្រុង Manchester នៃចក្រភពអង់គ្លេស ឆ្នាំ២០០៤។

សព្វថ្ងៃនេះ លោក ហូរ វរៈបុត្ត គឺជាសាស្រ្តាចារ្យនៅសាលារៀន CamEd Business School និងជា​សមាជិកក្រុមប្រឹក្សាភិបាល/រតនាភិបាលរបស់សមាគម Eurocham Cambodia។ លោកមានបទពិសោធន៍ការងារជាង ២៥ឆ្នាំ នៅក្នុងវិស័យធនាគារ និងហិរញ្ញវត្ថុទាំងក្នុងតំបន់អឺរ៉ុប និងអាស៊ីប៉ាស៊ីហ្វិក។ លោកជាអតីតអភិបាលនៃក្រុមហ៊ុន The Blue Circle និងធ្លាប់ជាអ្នកគ្រប់គ្រងទូទៅនៅសមាគមធនាគារនៅកម្ពុជា (ហៅកាត់ថា IBF) លោកក៏ធ្លាប់បម្រើការងារនៅស្ថាប័នហិរញ្ញវត្ថុធំៗនៅអឺរ៉ុបមានដូចជា Credit Suisse (ចំនួន ១២ឆ្នាំ) ក្រុមហ៊ុនគ្រប់គ្រងទ្រព្យសកម្ម Aberdeen Asset Management ក្រុមហ៊ុនធានារ៉ាប់រង AXA និងក្រុមហ៊ុន Banque Hottinguer។

លោកមានកម្រិតវប្បធម៌ថ្នាក់អនុបណ្ឌិតមកពីសាលាពាណិជ្ជកម្មឈ្មោះ Chicago Booth school of Business (ឆ្នាំ២០១២)។ លោក ហូរ វរៈបុត្ត គឺជាអ្នកវិភាគហិរញ្ញវត្ថុដែលទទួលស្គាល់ដោយសហភាពអឺរ៉ុប ពីសាលាឈ្មោះ The European Federation of Financial Analyst Societies – EFFAS ហើយថ្មីៗនេះ លោកបានទទួលវិញ្ញាបនបត្រវគ្គសិក្សាអភិបាលសាជីវកម្ម (ឆ្នាំ២០២០) ពីសាកលវិទ្យាល័យ Harvard Business School ផងដែរ។

លោកស្រី Wan Chi Ng គឺជាគណនេយ្យករដែលមានបទពិសោធន៍ ជំនាញផ្នែកហិរញ្ញវត្ថុ ថវិកា និងរបាយការណ៍។ គាត់បានគ្រប់គ្រងផ្នែកគ្រប់គ្រងហិរញ្ញវត្ថុនៅក្រុមហ៊ុន Allnison Auditing and Consulting និងធ្វើជាសាស្រ្តាចារ្យនៅវិទ្យាស្ថាន CamEd Business School ។ ជាមួយនឹងសាវតាផ្នែកសវនកម្មនៅក្រុមហ៊ុន PwC នៃទីក្រុង Montreal គាត់បានទទួលសញ្ញាប័ត្របញ្ចប់ការសិក្សាផ្នែកគណនេយ្យសាធារណៈ និងនិយាយភាសាបារាំង កាតាំង កុកងឺ និងភាសាអង់គ្លេស។